姬蒂碧金莎自言習慣唔拍拖　直接被搞大肚

憑《妖夜尋狼》（Underworld）系列吸血鬼女殺手角色成為性感偶像的英國女星姬蒂碧金莎（Kate Beckinsale），最近受訪時談到戀情生活，自爆：「你知嘛，其實我冇點樣拍過拖。」

咁靚女都冇拖拍？冇人信吓話？原來她只是省卻雙方的摸索過程，直接就「摸」！她繼而表示：「我就只係識到人之後，喺工作上同佢哋熟絡，然後一係直接同佢哋結婚，或者畀佢哋搞大肚。」

姬蒂曾與《妖》導演Len Wiseman成婚，亦與《妖》拍檔舊愛米高辛（Michael Sheen）育有22歲的女兒Lily。