視后唐詩詠零濾鏡曝光真面目　雙下巴兼頸紋盡現！

視后唐詩詠（Natalie）當年入行拍《當四葉草碰上劍尖時》而為人所熟悉，不知不覺已事隔18年，佢亦由當年22歲嘅少女，變成依家視后級女神！現年40歲嘅佢近年不時被指樣貌「進化」，同當年出道嗰陣個樣有啲唔同，特別係佢個雙眼皮變得好明顯添！

佢日前喺網上晒咗片，示範普通人同劇集女主角嘅嬲樣差別，睇到佢落力擺出嬲嬲豬嘅表情，又拋晒眉眼，可謂交足晒戲，但係由於條片喺零濾鏡下拍攝，網民將個重點放咗喺佢條頸度，睇到佢頸紋盡現，並而且有雙下巴，真係有啲走樣，令到網民都好驚訝，留言話「女神可否不要老」，仲話唔知係咪單身嘅佢太過Dry，嗌佢快啲搵番個伴，希望有愛情滋潤可以極速「回春」，而亦有網友就留言力撐佢，話冇濾鏡夠晒真實，唔用美顏自然就係靚啦！