鄧麗欣分手仍失意！望感情事上天有安排

藝人鄧麗欣（Stephy），早前宣布同人王子（邱勝翊）分手，結束3年情，之前佢仲剪走三千煩惱絲，意味着放低舊事，重新出「髮」。

不過Stephy向來重情，始終同王子拍拖一段時間，邊有咁易放得低，加上好多網民力推佢同舊愛方力申復合，始終承受一定壓力。佢就喺社交網留下感言，話收工返屋企要送給自己一個微笑以及一個傻笑，佢留言：「我相信十萬個問題就有十萬個解決方法，解決了一堆小事就能成就一件大事，只要用對方法用對情緒，一切問題都沒有問題！加油！送給自己......一切都是美好的安排！」

唔少網民問佢係咪未放低王子，亦有人話上天一定會對佢感情事有美好嘅安排。不過有網民將重點放喺佢張低胸相度，話希望佢派多啲福利。