生完收身未成功！素顏湯怡鬆身衫遮肚

藝人湯怡今年6月為老公麥秋成誕下愛女QQ，一家三口相當幸福。今個月18日QQ滿月，而湯怡都已經坐完月，當日佢就13張連環圖紀錄懷孕經過，最後一張相就見湯怡仍未收晒身，雖然冇肚腩，不過仲見到有少少肚凸凸！今日（22日）湯怡再度上載新相，素顏嘅佢面尖尖，一啲水腫都冇，手臂仍然纖幼，不過佢就穿上鬆身衫遮肚，似乎仍需努力收身，佢留言話：「今日終於有太陽喇，人都精神啲，心情都好啲。」而佢喺限時動態上載一張全身相，有個箭嘴指住肚仔，講笑話QQ喺入面，唔通湯怡太掛住囡囡喺肚入面嘅感覺？