李璨琛屋企凌晨「鬧鬼」！李元元原來係「阿飄」

藝人李璨琛與太太梁志瑩（Sophia）嘅3歲女兒李元元（Lucy）於網上人氣高企，被封「最萌星二代」，平日佢嘅搞怪日常片段氹得大批網民歡心，點知呢日佢屋企竟然「鬧鬼」！Sophia於社交網分享凌晨5點幾時客廳攝錄機錄下嘅片段，廳中突然有一白影飄過，該白影更一度停留於鏡前，畫面相當靈異！原來當時Lucy瞓醒，連人帶超長睡袋走出房想搵人陪玩，才形成咁「詭異」嘅畫面。

Sophia笑指：「5:29am，有人行動自如咁跣住出去姐姐房搵姐姐，着住個睡袋都擒到上張櫈仔度仲玩嘢捉住姐姐隻小腿（姐姐應該以為鬼掹腳），姐姐望出去見到一舊咁短嘅嘢但有條咁長嘅末端真係以為自己見鬼，直到Lucy話：I want to play play（黐線又掛住玩），姐姐個靈魂先翻番嚟，最後好快9秒9，姐姐原條將佢遣返入房，完。」