劉晨芝留港拍美劇 自爆最愛大隻仔

2021年07月22日 18:01
東網電視
更多新聞短片
劉晨芝擴張飲食生意。
歌手劉晨芝今日(22日)出席美容店開幕,有經營餐飲食市的她被問到生意情況,她説:「啱啱喺蘭桂坊開咗間新舖,忙緊打理,嚟緊都會再喺嗰頭開新舖。(疫市仲咁大膽?)都有朋友問我點解咁大膽,因為我覺得依家好多舖頭重開,啲人會報復式消費,另外依家傾租約彈性都大啲。(平好多?)又唔算好多,始終喺中環,平少少都好過冇啦!(打算會再開幾多間?)今年內會再開4、5間。(趕得及政府5,000元消費券?)啱啱好趕得切。」她指幾間舖頭有自資亦有與朋友合資,自己多年開舖總共投資了8位數:「自己鍾意做生意嘛,嚟緊幾間都係開喺蘭桂坊同中環一帶,(集中晒喺度唔怕自己打自己?)幾間係唔同類型,冇問題嘅。(係咪想做蘭桂坊之母?)之母好似好老咁樣,哈哈!」
她表示正籌備開拍真人騷節目:「關於中環、蘭桂坊嘅文化。(自己製作?)係呀,都聯同其他大機構,主要係宣傳大使,疫情咁耐我都想帶返外國嘅人嚟香港。(但未通關喎?)凡事向好嗰方面諗,我希望三個月通到啦。」她透露將會在港拍美劇,亦會出新歌:「搵啲韓星合作jam歌。(有冇邊位心水選擇?)希望搵到個靚仔Oppa啦!(鍾意邊類型?成熟定小鮮肉?)我鍾意啲大隻嘅,不過樣其次,最重要啱feel!」