朱千雪扮鬼臉肚凸凸滲孕味 網民:係咪有咗?

2021年07月22日 19:01
東網電視
更多新聞短片
「民選港姐」朱千雪婚後淡出幕前,全身投入大律師工作,不過佢仍不時喺社交網晒日常生活照,同網友報告近況,佢呢日就大晒一張單眼伸脷扮鬼臉嘅照片,留言:「My Mom thinks I am too old to be making funny faces... but I am a funny girl(我媽媽認為我太老了,過咗扮鬼臉嘅年紀……但我覺得我仲係一個有趣嘅女孩)」
由於佢早前被傳懷孕,網民亦將個重點放咗喺佢微微隆起嘅腹部,加上佢亦唔覺意將手放咗喺個肚度,不禁滲出陣陣孕味!網友留言除咗讚佢有童心,仲紛紛問佢係咪有咗,仲話「今次唔係just fat喇啩?」不過佢嘅好姊妹蔣家旻就幫拖解畫,留言:「其實我淨係focus係你個funny face,點解你成日畀人問係咪大肚?下次影相前拍扁條裙。」間接指朱千雪唔係佗B呀!