馮盈盈趾公未好番　見到釘嗌怕怕！

藝人馮盈盈早前拍攝節目《#後生仔傾吓偈》期間腳趾受傷出血要縫6針，今日（22日）她帶傷出席港姐活動，她穿着涼鞋現身，看到腳趾公仍然包裹着紗布，她透露已經拆線，行動上有不便及不能濕水，沖涼時更借用陸浩明用過的腳膠袋，她說：「佢借畀我用，真係天意，佢之前拆石膏後就無用，依家借畀我用，希望唔使傳畀下一個用，有需要可以問我借。」她說雖然腳套陸浩明用過，但她笑言好注重衞生，有用酒精清洗乾淨。因為見過鬼怕黑，她現看到地下有木或釘，都不夠膽行近，之前佳麗在新酒店受訓，她亦有提醒佳麗注意地面。她說腳傷令她未能陪伴港姐上山下海，笑言無法好好發揮自己，要拜託張嘉兒代勞。

現場其中一位佳麗馬祖雁早輪已被foul，但她都有出席支持，認真有心，她原屬盈盈一組，盈盈表示知道祖雁被foul後，大家都好傷心，有為對方打氣和鼓勵，她說：「佢好好，雖然被淘汰，但都係港姐一份子，之後都再出現喺Miss Hong Kong嘅大家庭。」