陳茵媺爆陳豪做「賊」　偷走佢最寶貴嘅嘢

前港姐冠軍陳茵媺（Aimee）同陳豪結婚多年，一直都咁恩愛，好多網民都問佢哋兩公婆，點先可以將感情保鮮，Aimee見網民問過呢個問題咁多次，終於畀咗個答案大家，佢喺社交網留言，大爆陳豪因為做「賊」，所以一直咁愛老公：「他偷走了我的心……但我很久以前就決定讓他永遠保留！」

Aimee將謎底解開，唔少網民話聽到都打冷震，又話要有陳豪呢位咁高質嘅老公，先可以被佢偷心。不過亦有人將重點放喺佢哋張合照度，大讚佢哋有夫妻相之餘，Aimee身材仲愈來愈好！