靚仔細膽啲？193驚有毛動物　Jackson被昆蟲嚇傻

唔通靚仔就係細膽啲？好似人氣男團ERROR成員「193」郭嘉駿，神高神大，居然怕有毛嘅動物，不論貓、狗、鹿，總之有毛嘅佢都驚，之前拍節目去到日本餵奈良鹿，嚇到喊咗出嚟，都幾好笑。除此之外，韓團GOT7出身嘅香港成員王嘉爾（Jackson），出名靚仔，不過佢就好驚昆蟲，細到螞蟻、飛蛾等見到佢嚇到走夾唔抖，驚嘅情度真係非一般。

最近王嘉爾為內地綜藝節目《拜託了冰箱》擔任主持，有日拍攝時，有女拍檔附近有飛娥，於是輕輕閃避，不以為意繼續拍攝，點知隻飛娥飛到去王嘉爾身邊，都未飛到埋去，佢已經一個快閃離開座位飛咗去後面，當大家話冇事狂笑佢時，佢仲大叫：「你不要嚇我呀！」之後佢戰戰兢兢走番埋位，左右睇勻先敢坐低，女拍檔問佢係咪怕蟲時，王嘉爾即刻話：「對呀！我怕蟲子！我可以怕蟲子。（沒有人說你不可以怕呀！）我要做自己呀！」當時佢真係嚇到傻咗，場面搞笑。