MIRROR ERROR合體　鏡粉通宵霸頭位反轉屯門

兩大人氣組合MIRROR同ERROR明日（23日）合體出擊，於屯門市廣場出席活動，MIRROR次次出動都會逼爆成個商場，今次加埋ERROR，相信逼爆場面更加恐怖！有人爆料，話經理人花姐同ViuTV曾到場視察，今朝10點商場已經準備好圍欄，有粉絲已擔定櫈仔霸個靚位，等足26粒鐘，認真誇張！今次MIRROR同ERROR合體現身屯門，連帶附近酒店訂房人數增加同埋升價，由550蚊晚升到去1,100蚊！另外，有網民在討論區爆料，指有疑似是屯門居民不滿鏡粉聚集造成滋擾，揚言要掟雞蛋，不過該網民之後就刪除貼文，但有網民提醒出席活動的鏡粉要多加留意。

另外，MIRROR官方社交網追隨人數突破20萬，即時大派福利，上載成員嘅靚仔相！