「魔鬼胸」蔚雨芯晒23吋蛇腰　網友睇到噴血！

「魔鬼胸」蔚雨芯（Rainky）的新居是一間獨立屋，身形Fit到爆的她勤做瑜伽，日前她在社交網上載坐在豪宅內的樓梯玩自拍，穿上小背心貼身褲的她留言：「Home Yoga。」大晒誘人的事業線，但好友卻將焦點放在其巨型不規則鏡子：「我都諗住買呢個曲邊鏡。」逗得Rainky送上哈哈笑圖案，有網民笑着中伏：「我睇咗好耐，點解你坐喺樓梯嘅窿度，眼殘了！」

其實她除咗有豐滿上圍，仲有條蛇腰，穿上白色露腰Top的她配牛仔褲，目測條腰好似得23吋，被網友大讚她型到爆，索到流鼻血喎，欣賞她身形Fit到着乜都好睇。