被爆拍綜藝酬勞近億！吳亦凡差5千蚊保釋金向網民求救？

內地男星吳亦凡爆出桃色醜聞，被網紅都美竹等人「指控」，更令警方介入調查。而事件亦不斷發酵，有演藝圈從業喺網上稱，吳亦凡喺2017年錄製某綜藝節目時，節目組不僅開出天價片酬，最終不只高達8,000萬（約9,700萬港元）！有關方面仲要專門去機場接吳母，並帶其去高級商場消費咗600多萬元（約730萬港元），以此換取吳亦凡喺節目錄影過程中嘅配合，但兩母子冇去了解節目相關背景資料。而所有進入吳亦凡團隊嘅工作人員需由吳母親自面試通過，由於其母親唔相信任何人，吳亦凡身邊工作人員都好難堅持到3個月。就此傳聞，有媒體訪問了《72層奇樓》的核心工作人員，對方否認吳亦凡片酬8,000萬：「絕對沒有8,000萬，一切也都合法合規。」至於及吳母消費600萬的說法，他亦指離譜，並表示絕對是假的。另外，吳亦凡事件自警方通報後，有國際時裝品牌亦透過官方微博宣布終止與吳亦凡的合作關系，截至目前，吳亦凡15個商務代言已全部解約。

此外，事件更直捲台灣，變成騙徒搵錢工具，有當地網民表示收到署名「吳亦凡」嘅求救短訊，對方話以「一首屬於你的rap」作為回報：「你好，我是吳亦凡，我沒有侵犯那些女的，我現在被關進監獄，還差5,000元就能交保出來，我的支付寶號碼是XXXXX，你現在幫過我，我承諾讓你加入我的個人粉絲團，並替你寫一首屬於你的rap，謝謝。」睇完令人得啖笑，不過大家真係要小心，唔好誤墮騙局呀！