蕭正楠隔離︱擔心黃翠如冇飯吔　公開呼籲賜熟食

藝人蕭正楠同黃翠如出名係圈中模範夫婦，由拍拖到結婚依然咁恩愛，不時社交網大放閃光彈。今日（23號）蕭正楠又晒出同老婆手拖手合照，兩個造型休閒，似到海邊跑步，雖然只得背影，但已深深感受種幸福，佢留言話即將展開隔離日子，不過就未有透露去邊度。經常笑黃翠如廚藝嘅佢，睇嚟好擔心老婆冇飯食：「隔離嘅日子即將要開始，唯一唔放心嘅，就係呢個小朋友。如果有一日你喺街上見到佢，希望你畀啲食物佢，最好已經煮熟咗，感激感激。」