193睇死個妹《全民造星IV》入唔到圍

20210723
東網電視
更多新聞短片
人氣組合ERROR到屯門出席ViuTV宣傳東奧的電視賞活動,4子表示每日會輪流為奧運節目做評述,193(郭嘉駿)踢爆肥仔因要拍MV,要其他成員頂足幾日廠期,自嘲是「香港攝時間之王」的保錡即笑言幫到他。肥仔就解釋因要跟姜濤為合唱歌拍MV,又預告新歌是香港這幾年未出現過的曲風,其他成員即笑他:「教堂嗰啲呀?《愛是不保留》嗰啲?」又即場合唱《主能夠》,認真抵死!
而講到193妹妹郭嘉盈參加《全民造星IV》,193笑言:「我有叫花姐可唔可以畀阿妹入圍,但我估阿妹應該入唔到,因為啲人太勁,我個妹好渣。(你事前知唔知?)佢有問我意見,我叫佢唔好搞咁多嘢,因為佢做銀行本身高薪厚職,但佢依家連份工都辭埋嚟參賽,可能佢唔知阿哥咁垃圾,做193阿妹冇用㗎,做魯庭暉(ViuTV高層)個妹先有用!所以呼籲model公司搵我阿妹。」但他都透露已有大品牌搵妹妹拍廣告。問到可會過兩招給妹妹?肥仔即大爆193曾叫自己教其妹跳舞,但認為應由身為「形體大師」的對方親自教。
至於阿Dee女友文芊澄亦有參賽,他亦「睇死」女友入不到圍:「因為今年有成幾千人參加,希望花姐可以開隊『湊人數練習生』,起碼家屬都有啲謝禮。」193又笑言如果兩個家屬都未能入到99強,阿Dee就會辭職:「但我就會繼續拍廣告,仲接埋佢嗰啲。」而保錡又踢爆肥仔有份為《造星IV》「選妃」:「但佢唔係評判,只係搵個位坐低幫手教跳舞。」