MIRROR被鏡粉叫到耳鳴 Edan遭Jer爆副偈係假?

2021年07月23日 15:27
東網電視
更多新聞短片
人氣男團MIRROR及「宇宙天團」ERROR今日(23日)「攻陷」屯門市廣場,為ViuTV宣傳東奧推出的電視賞活動造勢,席間16子分批介紹獎賞禮物,當中以劇集《大叔的愛》中的「牧田CP」Anson Lo及Edan登場時的歡呼聲最為轟動,全場「鏡粉」嗌破喉嚨!
MIRROR活動後受訪,隊長Lokman表示眼見有半萬名「鏡粉」到場支持覺得好誇張,又笑話出場至直入休息室雖然只得短短數分鐘,但受過尖叫聲「洗禮」後大家都有少少耳鳴,Anson Lo接話:「MIRROR 12個加ERROR 4個嘅Fans,冇話數量,每個Fans肯嚟支持我哋就已經足夠。」追問他有否受日前被爆出櫃的報道影響?他回應指目前專注工作:「見到Fans好開心!(會唔會澄清?)唔回應啦!」
講回東奧,問到MIRROR會否擔任旁述員?Lokman笑說應該會搗亂多過評述:「交番畀專業嘅人員,我哋業餘喺旁邊搞吓氣氛就算!」Frankie爆笑話最怕到時認錯人、噏錯名!12子又謂盡量夾期齊齊睇奧運,起碼都要一齊約食飯。
姜濤8月中開戲
對有指團中「人氣王」姜濤將接拍由彭秀慧執導的電影,他直認8月中會開工,可以同影后毛舜筠對戲都好期待,為做足準備工夫,他指有現時積極上戲劇堂,問到片中另一女角是否憑《聲夢傳奇》彈起的「國民初戀」Chantel?他說未有定案,但應該不是,至於問到Anson Lo、Edan及Jer是否都有份去試鏡?其中Jer坦言有份,不過還未知結果:「唔排除拍電影嘅可能,自己都鍾意做戲,之前拍完《男排女將》好開心,有好大成功感。」
Edan及Jeremy否認拍樓盤廣告
有傳Edan及Jeremy日前以貴氣Look接拍樓盤廣告,令一眾「前夫」極為心荒,深怕被另一半「榨乾」買樓,二人則大派定心丸否認,以穩「前夫」軍心,其中前者不諱言笑說好恨拍樓盤廣告:「係都開心嘅!睇吓有冇機會送個單位畀我!絕對唔介意拍!」另外,再問到Edan是否會參演ViuTV青春游水劇《i.SWIM》?他坦承正密密練水及操肌,難避騷肌「派福利」:「《大叔的愛》副身材唔夠做啦!要再大隻啲,希望有時間操!」豈料被Jer踢爆對方的《大叔》劇照是P圖,笑翻12子!問到Anson Lo會否跟Edan於新劇再續「前緣」做CP?他笑話:「私底下約佢游水算啦!(對厭咗?)其實都唔係成日見,好多嘢都冇得選擇嘅,哈哈!(《大叔》會拍電影版?)交畀公司決定。」