【四大名旦之首】粵劇名伶陳好逑病逝　

粵劇名伶陳好逑今午（23日）因病離世。粵劇名伶阮兆輝證實此消息，並指兩、三個月前曾跟對方通電話，當時對方精神仍相當之好，還向他問候一番，估不到之後便再入院，因疫情下不方便探病，他沒有對方最新的消息，只知之前對方曾動過腦部手術。對於她的離世，阮兆輝指是粵劇界的重大損失，他說：「因為佢每一次嘅演出，都係一個好標準嘅示範，一舉手一投足都執得好正，佢嘅離開，可以話係粵劇界不可彌補嘅損失。」

陳好逑自小跟名伶粉菊花學戲，陳寶珠是她的師妹，1957年，陳好逑與梁寶珠、陳寶珠以及梁醒波等組成「孖寶劇團」，直至1960年代中期，她則與林家聲、紅豆子等人自組「頌新聲劇團」；多年來致力推動粵劇發展的她，於粵劇界貢獻良多，亦是當今香港粵劇界四大名旦之首，其餘三位是吳美英，尹飛燕和南鳳。南鳳今日受訪時亦十分傷心，並說：「近年我身體都唔係幾好，同佢比較少見，但聽到消息好心痛、好難受，當年同聲哥（林家聲）、逑姐（陳好逑）一齊做戲，真係共同有好多經歷，一年內尤聲普同佢都先後去世，真係好傷心。」

據知，近年陳好逑身體不佳，曾患癌症，並動過腦手術，有時就連說話都不太流利，但她依然樂觀面對一切，身邊朋友得知她的離世都非常痛心。八和會館發聲明對陳好逑女士的離世表示沉重的哀悼，她於2021年7月23日中午，在家人的陪伴下，安詳離世。粵劇界仝人驚聞噩耗，無不痛心疾首。

身為「八和會館」會長的汪明荃接受東網訪問時，表示剛知道陳好逑逝世消息，坦言很不捨得，她說：「佢嘅所有演出我都有睇，會去偷師，佢真係叻到不得了，記性好好、文武雙全，平時連字幕機都唔使睇，八和有乜嘢特別演出，我第一時間就諗起佢。」

龍貫天表示與陳好逑相識多年，亦合作過多次：「入行已同佢認識，人生好無奈嘅，希望佢一路好走，逑姐好肯扶掖後輩，身為正印花旦唔介意同當時做文武生嘅我同台，令我哋吸收咗好多寶貴經驗，係我好尊重嘅前輩。」