疫情穩定！李璧琦籌辧音樂節目幫同業

歌手李璧琦（Becky）到上水古洞探訪老人中心，跟獨居長者一起做手工和唱歌：「我特意揀咗鄧麗君及耳熟能詳嘅歌同佢哋唱，希望可以藉着練氣開聲提升健康！點知佢哋唱到唔停口，竟然喺櫃桶拎本歌書出嚟話要同我繼續唱！老友記真係好可愛！其實疫情期間，家人互相探望都會減少，有啲住喺偏遠嘅老友記自然會覺得寂寞，希望探訪佢哋會帶多少少溫暖畀佢哋！」

她眼見疫情有好轉迹象，音樂會和活動亦相繼恢復，而她自己亦正籌辧一個音樂表演有關的活動：「詳情待落實後會公布。其實喺疫情期間有好多樂手失業，呢個活動其中一個目的就希望可以幫到同業，互相扶持啦！」