ViuTV人氣組合MIRROR及ERROR，16子今日（23日）將合體殺入屯門出席奧運開幕活動，不少粉絲為見偶像一面，早於昨日（22日）已率先到現場排隊霸位，不過藝人湯沛宜就非常好運，呢日佢做完運動後，竟然可以喺完全唔使同人迫、同人爭，「零付出」嘅情況下於街上「野生捕獲」ERROR的肥仔（梁業），真係恨死唔少粉絲！佢喺社交網大晒2人合照，見佢舉晒V字手勢，表現興奮，佢又留言表示：「巧遇肥仔，咁都撞到」。