余香凝同老公高調晒愛　歎紅酒過二人世界

女星余香凝（Jennifer）結婚時將老公陸政渡（Tim）收收埋埋，唔想他受到太多注視，承受着不必要的壓力，不過隨着女兒出世後，Jennifer也逐步放寬，讓圈外老公多咗曝光率，藉着Tim生日，她在社交網上載兩公婆撐腳枱合照，不單高調晒愛，更寫着：「Happy Birthday my Love。」仲要加兩個心心添，平時寸步都唔願意離開囡囡身邊嘅佢，但老公生日梗係大晒，當然要二人世界歎紅酒浪漫吓，她仲自製一家三口生日卡畀老公，相信一定氹到陸生開心到暈。