同MIRROR三男神合作　練樂儀最喜歡係佢

藝人練樂儀（Alina）早前有份客串ViuTV熱爆劇集《大叔的愛》，跟人氣偶像MIRROR成員呂爵安（Edan）、盧瀚霆（Anson Lo）及邱士縉（Stanley）做對手戲，非常幸福，Alina笑言被三大男神電到，拍攝期間有不少粉絲在場觀看，令她大有心理壓力，她表示：「拍攝過程好融洽，大家年紀相若，有傾有講，嗰場戲講我哋去酒吧飲酒識新朋友，好貼近現實，好似同咗MIRROR去飲嘢咁，哈哈！」

問到3人之中哪個最吸引她，Alina坦言最喜歡Edan：「佢個人好搞笑，同佢傾偈好開心，帶畀人好多歡樂。不過佢同角色好唔似，角色係傻更更，佢真人好聰明、有急才、轉數快，係個幽默才子，佢演得好放，完全冇偶像包袱。」不過由於現場太多女粉絲，令她不敢邀對方合照。