公開瘦身心得！楊柳青水着開窿露腰Fit爆

藝人楊柳青趁未有劇開，日前偷得浮生半閒又遊船河，吹海水、曬太陽吸收維他命D，人都精神啲，不過佢呢輯泳衣照，相信鍾意睇身材嘅宅男先最醒神，梗係啦，佢嘅身材真係Fit爆，全身冇舊肥肉，個S身材充滿條線美，重點係佢嗰件白色斜肩露腰泳衣，雖然露肉位唔係開正心口，但係都令人充滿遐想，不妨幻想吓，當佢落水時，成件泳衣濕晒一定好透視，阿青仲話好多人關心佢個窿黑唔黑：「啲朋友問我，條腰個窿有冇曬黑到，答案係冇，好好彩，同埋我件泳衣唔透嘅，因為質地比較厚。」

阿青又分享Keep Fit心得，就係做運動、做運動同運動，好似佢咁一有時間就行山、做瑜伽、踩單車咁，仲要忍口：「其實我好鍾意食炒粉飯麵，不過Keep　Fit就係做藝人嘅終身事業，所以我呢啲澱粉質、糖、零食都要戒，之前要拍嘢，就會聞咗當食咗，平時想獎勵自己時，都會食一啖咁多啦。」