江嘉敏玩密實Cosplay　陳曉華：結婚先會玩！

藝人江嘉敏與陳曉華（Hera）今日（24日）到灣仔會展舉行的動漫節，出席「myTV Gold·Ani-One 新番動漫5周年慶典」，江嘉敏透露愛睇一套關於化學的動漫來學習化學，Hera則說：「因為我哥哥鍾意睇動漫，所以我細個就會同佢一齊睇啲暴力少少嘅動漫。」問到她們可會Cosplay（角色扮演）？江嘉敏說：「冇，但10年前做嘢要Cosplay，大會安排咗套衫，其實都幾性感，吊帶低胸短裙。」她又聲稱當時體重只得30多公斤（不足70磅）：「嗰陣食極唔肥，但依家唔得啦，真係報應。」

Hera說：「其實我以前有嚟動漫節，但呢幾年冇嚟，我都會同啲Cosplay嘅人影相。（你會唔會Cosplay？）唔會。（如果另一半要你Cosplay呢？）我覺得人生可以Cosplay一次，就係結婚嗰次，因為《百變小櫻》有套婚紗好靚我好鍾意，可以着一次。」江嘉敏說：「如果Cosplay嘅話，想着多啲布，不過我啲朋友好鍾意Cosplay，會自己買布自己車。」