同麥大力相處簡單!簡淑兒拍拖唔使搞花臣

2021年07月24日 20:03
東網電視
更多新聞短片
藝人簡淑兒(Jessica)到動漫節出席「myTV Gold·Ani-One 新番動漫5周年慶典」,講到日前她與男友麥大力度過拍拖的首個生日,又獲對方教揸飛機,她一開始怕醜避忌謂:「陳婉衡同我搞咗個生日會,請咗我啲朋友、家姐嚟。(麥大力有冇份去?)好多人都有去。(咁即係有冇?)都有。(已經融入家中?)大家一齊玩。」
講到男友教她揸飛機,她說:「其實嗰個地方個個都去得。」但講到對方特地帶她去,她即冧笑謂:「都係。(呢份係佢送畀你嘅生日禮物?)都係。(冇其他禮物?)唔使其他禮物,其實我哋相處好簡單,由朋友開始一步一步嚟,唔使太多花臣。(你受落呢套?)其實我哋生活習慣好似,唔使刻意做咩去討好對方,普通相處已經好開心。」講到兩人咁夾,何時結婚?她即笑言:「我哋一齊咗2個月咋。(可以閃婚?)唔會,我哋都係做嘢為先,唔想因為拍拖令大家忽略咗我哋嘅工作,依家搏殺緊,做嘢緊要。」