周潤發變醫師！盧海鵬連腳痛都「醫番好」

資深藝人盧海鵬今日（25日）出席仁濟醫院的派福袋活動，同場還有「仁濟慈善大使」馬德鐘太太張筱蘭、仁濟主席黃楚淇及陳胡諺旼總理。盧海鵬透露以前不時會參加慈善活動，但因疫情令相關活動都要取消。提到最近他跟周潤發一齊跑山，他表示每朝5點起身，6點半等待對方來接他跑山，身體也變好：「個個都跑得唔快，一定係慢跑。（依家天氣好熱喎！）熱冇所謂，一身大汗都無所謂，發仔（周潤發）有教我哋有方法，步伐同呼吸有節奏，起碼跑1個鐘，至少跑3公里，有時跑5公里。」

本身有腳患的他稱跑山後連腳痛也治好：「由腳痛跑到冇腳痛，發仔仲做埋醫師，幫大家鬆骨。（佢手勢好唔好？）一流，邊個唔好就畀佢搞。」對於有網友指行山時遇上周潤發，卻被對方拒絕合照，盧海鵬解釋：「遇到就會打吓招呼，相就唔影，我哋打大赤膊跑步，好似食緊嘢都唔影啦！發仔冇話拒絕，跑緊就唔影，跑完就影。」

另外，盧海鵬快將80歲，問他會否搞大壽？他說：「冇乜慶祝，一班跑友會一齊慶祝，跑完一齊食餐飯，發仔會幫我哋影相，佢收藏唔少靚相機，佢係隨團攝影師。」講到工作，他透露稍後會參演一部以廉政為題材的電影。