唔夠迪麗熱巴紅？古力娜扎仙女下凡　P圖前後零分別

現年29歲、有「新疆四美」之稱嘅古力娜扎出道以來有唔少影視作品，早前更加盟內地長壽綜藝節目《快樂大本營》，接棒張雨綺做主持，不過網民往往會將同佢同年嘅迪麗熱巴相提並論，覺得佢唔係特別重視某一方面發展，成日「分散投資」，所以人氣始終同迪麗熱巴爭少少。話雖如此，最近古力娜扎出席活動時，一身白色露肩裝被形容為仙女下凡一樣，即使係現場觀眾影嘅相，都話靚到只有天上有，終於爭番口氣！

而工作室之後都放出一系列古力娜扎嘅靚相，晒出超長靚腿，拎住杯青檸水好有夏日Feel，網民都大讚同未P圖嘅佢一樣咁索：「美得我直呼老婆！」、「是仙女沒錯了！」仲話期待佢之後多啲作品，可以超越迪麗熱巴咁話！