黃建東生日晒巴士廣告　想同MIRROR撼過？

藝人黃建東於7月26日生日，連日來都獲好友為他提前慶生，不過壽星仔依然葡萄，羨慕人氣男團MIRROR各成員有粉絲「賣廣告」賀壽。他出Post晒出年前自己的巴士車身廣告，且留言：「見到人哋生日又巴士廣告又鬧市燈箱，真係羨慕到我口水都滴出嚟…星期一7/26到我大日子喇！各位黃太及東粉，Are you ready？」令人忍俊不禁，不過自知「玩大咗」，他事後再補充：「我覺得肯認係黃太，應該只有得我阿媽同啲伯娘嬸嬸！」

而近日忙於為劇集《痞子殿下》開工的他，慶幸遇上台前幕後一班好拍檔，雖齊齊辛苦趕戲，但感情相當要好，更圍埋一起開餐，為沉重工作的日子添了不少樂趣。