籌辦老人院照顧演藝界長者 曾志偉封口唔講水運會

2021年07月26日 14:02
東網電視
更多新聞短片
藝人曾志偉、錢嘉樂,蘇永康及導演陳德森等,今早到太子出席安老院舍裝修動工儀式。志偉與陳德森齊齊受訪,指今次籌辦老人院乃慈善性質,領取綜援及身體不便的長者會作優先考慮:「呢個Project籌備咗十幾年,最近又因為疫情再三延期。裝修期預算4個月竣工,到時會有38個床位,其中10個會留畀演藝界長者申請,但要經屬會推薦同公正嘅審批。」據悉,第2間老人院亦已在洽商中,選址新界。
志偉讚陳德森相當有心,不斷向各界募捐,連內地及台灣藝人如鄧超等亦熱烈響應。陳德森坦言:「佢哋都好想喺台灣及內地興建類似嘅老人院。其實今次嘅老人院院舍購買及裝修,預算要花費4,500萬,呢十幾年我哋不斷喺度追樓價。」另外,志被問到有關TVB重辦《明星水運會》迎戰ViuTV時,他表示:「今日咁嘅場合,唔適宜講呢啲。」