7歲囡囡變Model！洪欣高調帶女行騷搵銀

藝人洪欣依家湊女同影短視頻為樂，早前端午節就孖住過，原來7歲大嘅彤彤依家都已經有自己「事業」，見洪欣喺個人Channel上載同阿女出席時裝騷活動嘅片段，佢由頭到尾拖實阿女行Catwalk，母女檔搵銀又真係特別溫馨！似係第一次行騷嘅彤彤望落好淡定，面對觀眾同鏡頭都冇扭擰，不過阿媽就出賣佢上到台時個偷笑樣，而彤彤亦較其他行騷嘅小朋友身高高一截，唔知今次同媽咪行騷賺幾多呢？