Anson Lo激罕着短Tee現身　網民：唔好凍親！

男團MIRROR成員Anson Lo（盧瀚霆）人氣一時無兩，近日獲粉絲「神徒」出動流動廣告車，走勻港九新界為其新歌《不可愛教主》造勢，而呢日Anson Lo更親自落區，答謝粉絲支持。雖然佢全黑打扮、戴帽戴口罩冚到實，但仍難掩「教主」風采，一現身即被認出，粉絲紛紛舉機拍照，而佢亦表現大方任影唔嬲，仲不時做出鞠躬動作以示感激，禮貌兼親民。佢喺社交網發文表示：「雖然未能以公開活動形式提前跟你們說，但仍然想親身去答謝你們每一位，哪怕只是驚喜的出現一下。」

不過最特別係以往經常高溫下着長褸、冷衫現身，而被封為「盧汗停」嘅佢，今次竟然「罕有」着短Tee，連佢都自嘲：「今天盧汗停是穿短袖的心情。」粉絲即笑指「唔好凍親」。