邵珮詩坐完疫監　寬衣晒Bra慶祝！

藝人邵珮詩早前到台灣拍節目卻撞正新冠疫情大爆發，滯留多時早前終於啟程回港接受隔離，今日（26日）佢喺社交網宣布坐完「疫監」出關，而坦言曾先後隔離共百日而感厭倦嘅佢，亦喺社交網晒出露背晒Bra帶相贈興，慶祝暫時唔使再隔離。

佢又發長文表示，佢喺呢21日隔離期間趁機沉澱自己、調整情緒，其中去到隔離最後一星期時，曾因情緒失控一度爆喊，及後慢慢嘗試接受、理解，最終得以釋懷。佢又指多謝大家嘅鼓勵，令佢重新振作，成功克服咗對黑暗、未知、孤獨、不安及病毒嘅恐懼。