陳美齡開騷太多歌揀　各單位唔同意見好頭痛

歌手陳美齡將於9月舉行演唱會，今晚她現身觀塘「熱身」，舉行網上演出。談到演唱會的籌備工作，她表示相當頭痛：「因為只可以揀20多首歌，不過我入行50年，太多歌可以揀，而演唱會牽涉唔同嘅主辦單位，大家各有意見。依家決定約出嚟開會傾，原則上起碼要剔走10幾首！」

至於歌衫方面，她請來胞姐擔任「形象指導」：「佢幫手睇，依家揀咗5套，但未知歌單，所以唔知着唔着得晒！」問到家人可會來港支持，她坦言：「佢哋嚟唔到，因為只係得1個仔有香港身份證，佢哋入唔到境，而且要隔離，根本請唔到咁長嘅假，真係好可惜，好耐先開一次演唱會嘛。」