陳凱琳細仔1歲生日　竟然要向馬國明致敬？

前港姐冠軍陳凱琳同老公鄭嘉穎肯有一對可愛仔仔，一轉眼細仔鄭承亮（Yannick）已經1歲生日，陳凱琳喺社交網晒出一系列靚相同片，見Yannick仲係一臉天真咁同大蛋糕影相，不過阿媽今次就好有心喇，佢除咗打咗一大篇長文祝賀仔仔之外，原來佢專登整咗一個「小森林」出嚟送畀阿仔，當中仲幫佢着到成身黃色，連個Cake都有「樹葉」，陳凱琳又嗌Yannick做樹熊，事關仔仔拎起咗蛋糕上面嘅翻糖樹葉擺入口，個樣似足當年馬國明喺台慶頒獎禮當日嘅天然呆「樹熊樣」一模一樣，即刻有網友笑問陳凱琳係咪想仔仔向Uncle馬國明「致敬」，等阿仔大個都可以入行拎視帝呢？