利愛安獲古巨基監製指導　威威自爆有新歌出

「東涌羅浩楷」利愛安（Kirsten）因參加港姐首輪面試，成功騎呢出位，火速簽約無綫兼加入劇組，拍處境劇《愛．回家之開心速遞》，最近佢更殺入錄音室，疑正式進軍樂壇出道做歌手，前途無可限量！其實Kirsten以「LENAR BATA」之名做過網絡歌手，發布過唔少歌曲甚至自己拍埋MV，日前佢竟現身曾為古巨基監製、著名音樂人鄭汝森嘅錄音室，更獲對方為佢指導錄音，Kristen又透露今次係第一次接觸咁專業嘅設備，有網友指期待佢推出新歌，佢亦有回覆：「Of course.（當然）」並貼上多個「心心眼」表情符號，表現相當興奮。