多得鄧建明親戚 太極搵小鮮肉AK做演唱會嘉賓

2021年07月27日 19:06
東網電視
更多新聞短片
太極樂隊現正積極備戰於8月7及8日假紅館舉行的《Rainbow After Rain演唱會》,而人氣天團MIRROR成員Anson Kong(AK)就在社交網開心將擔任太極演唱會7號晚的嘉賓,令其粉絲瘋狂洗版要買飛入場「應援」。
太極成員鄧建明(Joey)承認親自邀AK任嘉賓:「係我啲親戚極力要求,我咪試吓請佢囉,我同AK有合作過,嗰次佢做一集ViuTV綜藝節目《擊戰》嘅嘉賓,因為拍咗成日,一齊比較多啲時間傾偈,佢幾開朗,又好玩咁,我都算達成咗親戚嘅夢想,但係我啲親戚唔係好放過我,我會努力、努力同努力試吓請其他MIRROR成員。」問可擔心被AK「騎劫」演唱會,他無任歡迎話:「梗係預佢哋騎劫啦,大佬呀!我哋咁富有,嚟啦,騎劫我哋啦,我哋係歌曲富有,但被人騎劫又唔係冇晒嘢,因為我哋有好歌,放心。」
問到屆時和KB jam邊幾首歌?Joey就話未定,不過心目中實是「Rock爆佢」,又覺得今次同台是兩代交流:「最期望係『老鮮肉』同『小鮮肉』混合埋一齊,都知佢彈過結他,都Rock嘅,佢又有同我合作開過嘅One Promise結他手天衡有合作,係Rock方面,大家都有少少『親戚』關係,撮合到今次合作。」