黃子韜同富二狗「對話」驚為天人：神人配神狗

韓國男團EXO前中國成員黃子韜出名係富二代，去年繼承已故富爸爸的逾200億人民幣（約240億港元）遺產，變成百億富豪，即「住洋樓養番狗」，豪養新寵邊境牧羊犬Ace，孖住搭私人飛機兼任歎美食，正宗「富二狗」！但其實Ace得寵並唔係冇道理，呢日黃子韜拍片大晒Ace奇技，見佢竟然可以同Ace「對話」，全程「有問有答」，黃子韜一嗌「Speak」，Ace就立即應聲回答，相當醒目！黃子韜即大讚愛犬，更趁機指「物似主人形」，兜個圈曲線讚自己：「我的Ace新技能Speak，才兩個月哈哈哈！我真是訓練有佳，神人配神狗，呵呵！」