極速變瘦變白好簡單　陳煒日日趴地冇怨言

陳煒有份演出的《刑偵日記》已經進入結局篇，《刑》被指是「燒腦」劇，雖然收視不似預期，但口碑唔錯，一班演員繼續落力宣傳，好似陳煒就在社交網上載拍攝花絮，3張相都有個共同點，她飾演的角色梁日思，喺唔同地點都要趴地，她形容「一個成日都要趴喺度嘅角色」，影迷也戥她的角色慘，要日趴夜趴，但難得她趴地仲笑得咁開心，也忍不住讚她趴地都靚過人。

煒哥邊忙為《刑》劇宣傳，另一邊又忙於拍攝新劇《雙生陌生人》，穿上黑衫打扮得靚靚的她坐在車內拍攝，她笑着留言：「黑有甚麼好處？瘦啲白啲囉！」她的圈中老友陳敏之、黃智賢就讚她點着都靚。