周家怡獲楊受成封「英皇一姐」 被踢爆原來係鏡粉

20210728
東網電視
更多新聞短片
男神鄭伊健、周家怡、錢嘉樂、雲浩影及黃淑蔓等中午(28日)現身大埔,出席英皇電影《深宵閃避球》開鏡儀式,場面熱鬧。適逢上周五(23日)周家怡42歲生日,投資方英皇老闆楊受成聯袂一眾演員推出蛋糕為她補祝,楊生更當眾肯定其「地位」:「英皇一姐,佢係一姐好耐喇!」鄭伊健及錢嘉樂在場不斷和應,搞到周家怡靦腆不已。
談到生日願望,周家怡打趣說:「希望吸收多啲青春氣息。(人生大事呢?)殮葬呀?(有冇人追?)話冇好似好削,不過依家冇拍拖,況且我好講感覺,去到呢個年紀冇諗咁多,或者60歲又調番轉好急呢!」
對於楊生稱她為「英皇一姐」,周家怡急忙表示:「唔好寫啦,嚇親人㗎,不過老闆好玩得,又唔會畀壓力。(聽聞你仲有另一套戲開緊工。)同陳家樂嘅《出租佳人》,亦都差唔多拍晒喇,算托賴啦。」而李靖筠則踢爆周家怡在化妝間播放MIRROR歌曲,周家怡興奮表示:「香港好耐冇試過呢個氣氛,奧運又有佳績,依家啲年青人原來好勁,嚟緊香港有運行喇!」