人妻逆齡大法！黃翠如陳自瑤短褲仔晒白滑長腿

藝人黃翠如與陳自瑤因合作劇集《那些我愛過的人》結緣成為好友，最近更頻頻拍住上開工做節目、拍廣告等，呢日佢哋2位好姊妹再次聚頭，為新節目進行拍攝，黃翠如於社交網大晒合照，見2位人妻以少女打扮上陣，黃翠如着上粉紅色間條恤衫配短髮兼頭戴髮夾，而陳自瑤則白Tee配熱褲再戴上紅色漁夫帽，非常青春即時逆齡，佢哋更齊齊晒出白滑長腿，相當養眼！而同為閨蜜團一份子嘅連詩雅（Shiga）今次雖然未有現身，但亦有喺社交網大讚2人合照好睇，唔少網民都希望Shiga可以驚喜客串，等3姊妹再度「合體」。