同年輕靚女合作！鄭伊健錢嘉樂要適應代溝

藝人鄭伊健與好兄弟錢嘉樂繼年前《黃金兄弟》後，再次合體拍電影，於英皇電影《深宵閃避球》內分飾兩隊球隊教練，二人笑言是良性競爭。

談到對閃避球的認識，伊健笑言：「係打機學返嚟嘅，不過開工前都搵咗港隊嚟教吓，啲女隊員掟個波埋錢嘉樂度都好有勁力。其實今次個故仔係講人生遇到問題，唔應該閃避。（咁你以前有試過閃避？）一定有，但真係唔記得咩事嘞。」嘉樂則讚老友遇上任何問題都正能量，很快便可以解決。

今次與大班新一代女演員合作，兩人打趣表示有代溝，但好快適應下來，嘉樂搞笑指「代溝都唔係絕症」，而伊健說：「好似以前我哋『萬歲』叫奶茶同蛋撻，依家佢哋係食芝士蛋糕同飲珍珠奶茶。」不過靚女們卻指伊健是心目中男神，有經常於片場哼唱他的經典金曲，李靖筠更搞笑指「望佢一眼都賺咗」，力證伊健男神地位。

另外，伊健本身在日本有投資房地產，但因疫情很久沒踏足當地：「本來諗住奧運期間，可以過去睇吓啲科技嘢，依家睇嚟又好似冇乜。我本身唔係咁鍾意去人多嘅地方。（奧運場館），頭先未做訪問前，我哋都留喺化妝間直擊賽事。」