未婚產子？高海寧抱BB全城恭喜

藝人高海寧（高Ling）去年爆出與拍拖多年的音樂才子鄧智偉分手回復單身，但今日（28日）佢突然於社交網抱住新生嬰兒嘅照片，更對住BB流露出慈母般嘅甜笑，令唔少網民驚訝佢跳晒Step突變人母，更紛紛送上祝賀：「當媽媽了？」、「恭喜你成為媽媽！」、「女神添丁？」、「終於可以同你講聲恭喜」。其實高Ling只係同朋友嘅BB合照，而佢亦急急澄清：「哎呀，大家唔該理智啲留言，不是我的孩子啦啦啦啦啦啦，但是謝謝恭喜。」但粉絲一於少理繼續恭喜，就連明知係「流料」嘅好友湯洛雯都照樣留言：「Congratz！」相當搞笑。