張家朗前女友都入過港隊　爆喊睇奪金：全港為你驕傲

「少年劍神」張家朗前晚（26日）喺花劍項目為香港贏得奧運金牌，全城為之瘋狂，亦令無綫派往日本東京直擊嘅陳約臨（Kelly）失控，變身「進擊的Kelly」！採訪期間，佢多次打斷張家朗發表感言，最離譜係向對方示愛，結果畀網民洗版式狂插，飽受負評嘅佢尋晚（27日）以親筆信道歉，即刻去片睇吓！

除咗陳約臨風波之外，張家朗奪金後一夜成名，受到全城關注，連佢嘅感情生活都被起底，依家單身嘅佢，前女友原來係23歲嘅前港隊女子單車運動員馬詠茹！當日舊愛出賽嗰陣，佢亦有收睇直播支持，期間更一度激動爆喊，佢又大方透過社交網隔空送上祝福：「今次全香港人都為你感到驕傲。」而佢退出港隊後半隻腳踩入娛圈，想知更多就要睇片喇！

今屆東京奧運被網民發現唔少女神男神，真係數都數唔晒，例如空手道選手龔莉，仙氣逼人嘅佢獲網民讚似章子怡同石原聰美，社交網粉絲人數不斷上升，依家已經坐擁2萬5千人！即睇今集《繽FUN主播室》了解佢多啲啦！