《姊妹淘》停播　莊思敏：希望用另一個方式再見

藝人莊思敏、葉凱茵、寶珮如在尖沙咀為網上節目《婆仔掃貨團》進行直播，今集去到酒家歎鮑魚，相當富貴，莊思敏受訪說：「節目就係要為大家攞折，最少希望爭取到7折，賣鑽石試過攞到一兩折添，做咗呢個平台年幾，搵到餐飯成咁啦。」

莊思敏主持了10年的無綫節目《姊妹淘》最近突然宣布停播，她說：「我係第一代嘅主持，已經做咗10年，當然感到可惜，希望用另一個方式再見大家。（知唔知點解停播？）都想了解吓，等過咗奧運公司冇咁忙再了解吓。（有冇新工作安排？）未有。」

莊思敏透露最近剛由內地返港，原本兩個月的工作之旅變成遊玩團，她說：「因為上到去廣東遇上疫情嚴峻，本來20幾日工作變成得番3日工作，有啲收咗錢遲啲補番，有啲就取消咗。」她透露老公由台灣來香港陪伴，預計聖誕後才返台灣。