張敬軒入行20年求變 誓做扮嘢天王

20210729
東網電視
更多新聞短片
歌手張敬軒(軒仔)今年入行20年,獲一班粉絲送上連環驚喜,前晚(27日)「軒粉」率先租用郵輪的巨型廣告牌,寫上賀詞祝賀,他收工回家後即在社交網發長文感謝粉絲,他在文中分享:「17歲已投身社會,打過好幾份工,由餐廳至夜總會表演等,明白生活艱難。」其實他的「星夢傳奇」經歷絕對可寫成勵志書,他曾在訪問中透露17歲時,在內地簽了新公司後以為可踏上星途,豈料對方是騙徒,慘被呃走3萬元,心灰意冷下退居幕後做錄音室的音頻製作部主管,但又遇上公司倒閉。之後他帶着3千元隻身來港發展,只可蝸居尖沙咀的2、3星酒店,捱足9個月才等到有新唱片公司賞識,開始有曝光機會。
窮到要捱麵包
不過因知名度低,沒有服裝贊助,他惟有周圍借衫開工,曾經自爆最苦是:「窮到要捱麵包,仲有埋遺傳抑鬱症!最癲嗰時,試過匿喺房度打爛晒所有嘢,再衝入廚房攞把牛肉刀想衝去斬經理人。」後來醒覺要睇醫生食藥,樂觀面對人生才可重新振作,成就今日的輝煌成就。
走過人生最黑暗期,軒仔受訪時表示:「各位係我嘅一口良藥,我唔會諗過去20年有咩成就同埋有咩遺憾,只會展望嚟緊嘅20年,無論音樂同演藝各方面都籌謀緊啲大計嘅,不過喺適當時候先同大家講啦。」
精於反串
據知,軒仔除唱得外,其公司同事一直指他是「被歌唱耽誤了演技」的歌手。他曾多次一人分飾多角,又精於反串,如惡搞容祖兒化身「火龍果」唱《Pretty Hungry》、扮倪晨曦的「倪黃昏」、「妙麗」及「降兩度」等,令人有意想不到的爆炸性喜感,所以他有意進軍大銀幕,向其最有潛質的諧星「扮嘢軒」發展。