新劇勁多造型！李佳芯做骨妹女僕引觀眾

無綫新劇《智能愛人》即將播出，一眾演員李佳芯（Ali）、陸永、馮盈盈、簡淑兒、麥美恩、關楚耀等，今日（29日）現身電視城出席宣傳活動，劇中飾演AI機械人的Ali以露腰機械裝現身。受訪時她說終於輪到免費台翡翠台播映好開心，兼是緊接東奧直播，希望會有更加多觀眾收看。問到對收視有信心？她起初直言只得一半一半：「始終喺收費台播過，不過一定要對自己有信心嘅！台前幕後畀咗咁多心機拍。」惟交捧劇《刑偵日記》收視一跌再跌，望新劇收回失地？Ali表示沒有想太多：「只係希望帶畀大家一套溫馨、又富娛樂性嘅劇集。」

她透露劇中有多個造型迎合觀眾，大家總會有一個鍾意：「有女僕、美少女、骨妹同地盤Look，可以符合大眾唔同口味！」跟陸永可有親熱場口？Ali謂有場人工呼吸戲碼：「係『阿寶』（劇中角色）嘅初吻！好蝕呀！已經算係好親密㗎啦！（宣傳片仲見你畀麥美恩摸心口。）畀人摸原來咁尷尬，摸人開心好多，我有摸番馮盈盈！真係未曾試過畀人摸。」