魏浚笙想30歲前結婚：依家要努力工作

藝人魏浚笙（Jeffrey）出席理財活動，笑言自己理財OK，因慣了儲錢，自己很慳家，亦與女友有個共同基金儲錢。問到可是儲錢來結婚？他笑言：「都想㗎，但啱啱畢業，所以想事業穩定的先。（想幾時結婚？）30歲前。（因為想快啲生小朋友，親子方面好啲？）暫時冇呢個計劃，不過早啲生的確好啲，所以依家都要努力工作先。」

他又透露之前拍完ViuTV劇集《IT狗》，與好友岑珈其合作，首次拍劇的他表示：「同佢有好多對手戲，跟佢學到好多嘢，對住熟人我就放膽啲做，佢又會畀好多意見我。」他亦表示即將拍攝另一新劇，但未肯透露詳情。

另外，講到有指MIRROR的阿Jer揮低他，將孖住姜濤拍彭秀慧新戲，他坦言：「其實都開心老師開戲，我都好想可以參與，但無奈因為檔期同細節位夾唔到，希望下次參與到。（佢本身預你？）因為我本身係彭秀慧老師嘅學生，佢會提議我點拍。（話你唔夠阿Jer撼？）阿Jer當然厲害，彭秀慧老師好有自己諗法同有要求，阿Jer攞到呢個角色實至名歸，我都希望可以有機會拍戲。」