鄧麗欣入院晒黑白相　王子畀Like以示關心　

女星鄧麗欣（Stephy）與台灣男星邱勝翊（王子）早前宣布分手，結束接近4年的姊弟戀。不少圈中好友均向她送上問候。今日（29日）Stephy在社交平台上載一張素顏戴着口罩、疑似身在醫院的相片，以及一張手背插着針管的黑白照，情況令網民好擔心。

她留言：「今日做例行身體檢查，好耐冇拮過手背嘅我有啲緊張，隻手一直唔敢郁，但係其實係可以郁，唔驚㗎嘛。哈哈。要努力工作之餘也要努力照顧自己身體，咁樣先可以繼續再努力工作再向着自己目標進發。祝大家都身體健康，好似香港運動員一樣可以不斷爆發自己潛能，有健康身體才能繼續努力，好好照顧自己，身體健康是最大的財富。」唔少好友包括舊愛邱勝翊（王子），都有畀Like，明顯分手冇令兩人關係破裂，依然非常關心對方！