【縮咗水都有D Cup】唐菲靠天賦本錢接戲拍

女子組合B.Gs成員唐菲近日推出新歌《只願捉緊你》，是她首次個人單曲，她說選擇新歌時在勵志歌和愛情歌中間掙扎很久，最後還是選擇愛情歌，笑言自己仲有少女心，較容易演繹愛情的感覺，由於第一次出單曲，十分緊張，組合成立了7年，她入隊約3、4年間：「我有啲不知所措，因為我係組員中年紀最細，一向有佢哋照顧我，今次自己一個人出歌，感覺好緊張，但學咗好多新嘢。」

新歌講述在一個惡劣環境下，只要有愛就能捉住對方，她說入行前，有個男朋友，但男友好反對她入行，她堅持追夢，最後分手。另外，一向好身材的她，憑天賦本錢成功接拍一部微電影，演繹女主角的年輕版角色，但她透露因疫情致其經營的瑜伽中心由巔峰時期9間，縮減到得7間，當中壓力令她體重急跌：「好似話角色要純又要身材好，（睇中你身材好？）唔知係咪，但我瘦咗，可能最近自己嘅瑜伽中心生意在疫情下好多變數，有壓力，所以慢慢瘦咗都唔知，（上圍瘦咗？）縮咗少少，得番D Cup，因為我瘦咗十幾磅，依家只有92磅。」