全城祝賀何詩蓓再摘銀！人夫黃祥興公開示愛：我有少少鍾意咗佢

「混血女飛魚」何詩蓓繼東奧女子200米自由泳袋走銀牌，今早（30號）再於100米自由泳決賽延續強勢破亞洲紀錄成績以52秒27，贏得一面銀牌，成為香港首位奪得兩面奧運獎牌運動員。

唔少藝人為佢感到興奮，即準時於社交網留言祝賀，包括視后胡定欣、歌手連詩雅、賭王三房千金何超蓮、英皇金牌經理人霍汶希、丁子高、鄭裕玲、蔣怡等，當中謝安琪一早同囡囡坐定定喺電視前觀賽，睇嚟想從小就培養囡囡愛上運動，而黃祥興亦有留言祝賀，已為人夫兼人父嘅佢，竟然公然向何詩蓓示愛：「我有少少鍾意咗佢！繼續努力！」