唔使5百蚊　買起「女飛魚」何詩蓓設計泳衣

呢幾日，全城焦點盡在國際體育盛事，特別是女飛魚何詩蓓身上。自從佢以破亞洲紀錄成績，喺女子200米自由泳賽事上為香港贏得首面銀牌後，繼而再於100米自由泳決賽贏得一面銀牌，而且再破亞洲紀錄，大家真係封佢做偶像，仲即時對佢進行大起底。原來呢位美人魚唔單止游水勁、讀書叻，仲好有Fashion Sense，早前更一嘗設計師滋味，與泳衣品牌ARENA聯名推出多款自家設計泳衣。

整個Arena x Siobhan 2021泳衣系列以金色貫穿，例如用上金色泳手剪影或金色肩帶去象徵運動員在比賽中竭盡全力奪取金牌的目標。另也用上5大洲的5色斜紋扇形圖案、水藍色漸層設計去帶出運動團結和活力一面。不過講到搶眼和最具和風的一定是綴有櫻花圖案的款式，配以簡單一件頭剪裁，穿上後特別醒神。呢個聯乘系列有齊男女裝，仲要售價相當親民（每款都唔超過5百蚊），想入手一件撐吓呢位香港之光運動員的話，不妨上Zalora官網望望！